«Ճանթեմիր Ժառանգի Հետազօտական Ընկերութիւն»-ը կ՚ուսումնասիրէ Թուրքիոյ մէջ ապրած կամ ապրող ընտանիքներու ընտանեկան ծառը, կը լուծէ ժառանգի հետ կապուած հարցերը եւ կը կառավարէ ժառանգի հետ առընչուող բոլոր գործընթացները։ Ան նաեւ, կը հետազօտէ այն գոյքերը, որոնց մասին ընտանիքները չեն գիտեր եւ կամ չեն կրնար անոնց հասնիլ։ Այդ տիպի ինչքերուն համար կը պատրաստէ տեղեկագրութիւն մը, որ կը ներկայացնէ այդ գոյքին նախկին սեփականատէրերը եւ իրաւական կարգավիճակը: Ինչպէս նաեւ, կ՚ամբողջացնէ կիսատ մնացած ընտանեկան ծառը, պաշտօնապէս կը հաստատէ ընտանիքի անդամները, միջնորդ կը հանդիսանայ, որ այն անձերը, որոնք նոյնիսկ եթէ ընտանիքի անդամ են, բայց եւ այնպէս, չեն երեւիր պաշտօնական արձանագրութիւններու մէջ՝ աւելցուին ու դառնան ժառանգորդ:

Ժառանգի հետազօտութիւնը կը պահանջէ աշխատիլ բազմաթիւ տարբեր ոլորտներու հետ միասին: Այսինքն, փաստաբաններ, կալուածագրային արխիւներու մասնագէտներ, հողաչափեր, ազգաբնակչութեան արխիւներու մասնագէտներ, անշարժ գոյքի գնահատողներ եւ այդ գործընթացները կառավարելու համար ֆինանսագէտներ՝ միասին կ՚աշխատին: Մեր գործընկերներուն հետ միասին, մենք Թուրքիոյ առաջին ընկերութիւնն ենք, որ կը մատուցենք նմանօրինակ ծառայութիւններ: Հետազօտական գործընթացները կ՚իրականանան մեր փորձառու յանձնակազմին կողմէ, որոնք գիտեն, թէ Թուրքիոյ ո՞ր արխիւին մէջ ինչպիսի տեղեկութիւններ կան: Բացի անկէ, կը գիտակցինք, որ կարգ մը ընտանիքներու մէջ վէճեր ծագելու հաւանականութիւնը կայ, քանի որ ժառանգի հարցը կը նշանակէ՝ յիշել անցեալը: Հետեւաբար, բծախնդրութեամբ կը կառավարենք այդ շրջանը: Որպէս «Ճանթեմիր Ժառանգի Հետազօտական Ընկերութիւն» վստահութեան շուքին տակ կը լուծենք ձեր բոլոր հանգոյցները:

Հետազօտութեան աշխատավարձքը կը տարբերի ըստ հետեւեալ տարրերուն՝ ընտանեկան ծառի ստեղծում, կալուածի մասին որոշ կապեր հաստատել կարգ մը անձնաւորութիւններու հետ, հողաչափութեան եւ կալուածագրային հետազօտութիւններու մէջ աշխատող պաշտօնեաներու թիւը, կալուածին  կամ կալուածներուն քանակը եւ հետազօտուելիք վայրը: Քանի որ մեր ընկերութիւնը կը գտնուի Իսթանպուլի մէջ, հետեւաբար Իսթանպուլէն ներս տեղի ունենալիք հետազօտական աշխատանքները աւելի արագ կ՚ իրականացնենք: Նշենք, որ յատկապէս Օսմանեան կալուածագիրներու եւ ազգաբնակչութեան ուսումնասիրութիւններն ու Օսմանեան փաստաթուղթերու թարգմանութիւնները ներառնուած են պահանջուելիք գումարին: Եթէ մենք գտած ենք կալուածը ու կապ հաստատած ձեզի հետ, այն ատեն ոչ մէկ գումար կը պահանջենք: Տոկոսային համաձայնութիւն մը կը կնքենք, ըստ ժառանգի իրաւական կարգավիճակի եւ սահմանուելիք արժէքի հիման վրայ: Իսկ եթէ դուք պիտի հոգաք  ծախսերը, անոր հիման վրայ կ՚որոշենք տոկոսը: Երբ «Ճանթեմիր Ժառանգի Հետազօտական Ընկերութիւն»-ը հոգայ ծախսերը, աշխատանքի աւարտին կը ստանայ տոկոսային հաշիւ մը:

Մենք կանխավճար կը պահանջենք այն ընտանիքներէն, որոնք կը փափաքին հետազօտութեան տեղեկագրութիւն ստանալ։ Բայց, եթէ մենք գտած ենք կալուածը ու կապ հաստատած ձեզի հետ, այն ատեն ոչ մէկ գումար կը պահանջենք:

Ել-նամակի կամ հեռաձայնի միջոցով կրնաք մեզի հասնիլ: Եթէ Իսթանպուլ կ՚ապրիք, ուրախութեամբ ձեզ կը հիւրնկալենք մեր գրասենեակը։ Իսկ Իսթանպուլէն դուրս բնակող եւ կամ՝ այլ երկիր բնակողներուն հետ առցանց հարթակներու միջոցով հանդիպումներ կրնանք կազմակերպել:

Մենք կը սկսինք աշխատանքի՝ ձեր ընտանիքի անդամներէն մէկուն մեզի բերանացի կամ թէ՝ գրաւոր փոխանցած ձեր ժառանգի գործընթացի մանրամասն տեղեկութիւններուն հիման վրայ: Մենք ձեզմէ կը խնդրենք փաստաթուղթեր, տեղեկութիւններ կամ լսումներ ընտանեկան կալուածին  մասին՝ անշուշտ եթէ այդպիսի աղբիւրներ կան: Նաեւ,եթէ ձեր քով կը գտնուին անշարժ գոյքին վերաբերեալ տեղեկութիւններ՝ այդ ալ ձեզմէ կը խնդրեք . իսկ եթէ չկան, ապա կալուածին  հետ առընչուած որեւէ տեղեկութիւնով (հասցէ, շրջան, փողոցի անուն...) կը սկսինք հետազօտական աշխատանքին:

Օսմանեան ժամանակաշրջանի ազգաբնակչութեան փաստաթուղթեր, բնակավայրեր, կալուածագիրներ, կալուածատուրքի ստացագիրներ, Հանրապետական ժամանակաշրջանի կալուածագիրի հետ կապուած փաստաթուղթեր, կալուածային եւ ընտանեկան ժառանգի հետ կապուած բոլոր տեսակի փաստաթուղթեր. օրինակ՝ ազգաբնակչութեան տնօրէնութենէն կամ  «Է -Տէվլէթ»-էն առնուած ծննդեան փաստաթուղթի պատճէն, որ ցոյց կու տայ երեք սերունդի տեղեկութիւններ: Ինչպէս նաեւ՝ լիազօրագիր, որ կ՚արտօնէ մեզի, ձեր անունով ուսումնասիրել կալուածագրային եւ ազգաբնակչութեան արխիւները:

Աշխատանքին հետ կապուած բոլոր խնդիրները կը լուծենք ձեր կողմէն մեզի տրուած լիազօրագիրով:Ըստ մեր համաձայնութեան, գործընթացի ծախսերը մենք կը հոգանք: Կանունաւոր կերպով տեղեկագրութիւններ կը պատրաստենք ձեր գործընթացին վերաբերեալ:

Գտնել ձեր ընտանիքին չգտած կալուածը. գտնել ձեր ունեցուածքի բաժնետէրերէն եղող այդ անյայտ անձը / անձերը, կամ փարատել այն կասկածները, որ ունիք ձեր ընտանիքի նախկին կալուածին վերաբերեալ:

Շատ ատեն ժառանգի խնդիրները, նոյնիսկ ընտանիքի մէջ կը ներառեն գաղտնիքներ: Այդ իսկ պատճառով, կը ստեղծենք այնպիսի աշխատանքային կանոն, որ կը պաշտպանէ ընտանիքի իւրաքանչիւր անդամին գաղտնիքը: Կ՚ոչնչացնենք ձեր կողմէն մեզի տրուած փաստաթուղթերու պատճէնները:

Անշուշտ, ուրախութեամբ ձեզ կը հիւրնկալենք մեր գրասենեակը։

Օսմանեան կամ Հանրապետական ժամանակաշրջաններուն, Թուրքիայէն ներս կալուած/ներ ունեցող թուրք, յոյն, հայ եւ հրեայ ընտանիքներուն մասին կը հետազօտենք
բաց աղբիւրներու (open source) միջոցով, մասնաւորապէս ՝ ընկերային ցանցերու միջոցով: Բացի այդ, շնորհիւ՝ Աթէնքի, Փարիզի, Ֆրանքֆուրթի, Լոնտոնի, Նիւ Եորքի, Լոս Անճելըսի եւ Պոյնէս Այրէսի մեր գործընկերներուն, ունինք տուեալներու մեծ աւազան մը, որուն ընդմէջէն կը հասնինք մարդոց: